Certified plantito… PIOLO, SOBRANG SHOCKED AT HURT NANG MASIRA NG BAGYO ANG MGA TANIM NIYA

ni Vinia Vivar - @Frankly Speaking | March 5, 2022

Certified “plantito” na pala talaga si Piolo Pascual. Nahilig sa halaman ang aktor simula nang mag-pandemic at manirahan sa kanyang farm sa Batangas.

Kuwento ni Papa P. sa kanyang panayam sa Monster RX 93.1, talagang sineryoso niya ang paghahalaman at kung saan-saan daw siya nakakarating para lang mamili ng mga halaman.

Ito raw talaga ang pinagkaabalahan niya ngayong pandemic at hindi nga raw birong halaga ang kanyang nagagastos.

“I spent quite a fortune losing some of my plants,” sambit niya.

Nawasak daw ang kanyang mga halaman at pananim na gulay nang tamaan ng malakas na bagyo last year since malapit nga sa dagat ang kanyang bahay.

“I was really in shock for 30 minutes. It’s like all the hard work, all the travels from different places – Bulacan, Laguna, Batangas, everywhere just so I could get a lot of plants and it’s just wiped out in 20 minutes. I was hurt, I was deeply broken,” kuwento ni Papa P.

Inisip na lang daw niya na parang ito ang kanyang tuition fee sa paghahalaman.

“And then, after that, I started becoming more patient, more disciplined into choosing which plants would thrive in that place, what plant would thrive in certain type of water, and yeah, through time, I was able to understand better,” aniya.

Ngayon daw ay may mga kaalaman na siya kahit paano sa paghahalaman at sa ngayon ay dito raw siya naka-focus aside of course from his showbiz career.

“Even in my room, I have plants. So I have plants all around me. They’re the ones that keep me busy when I’m at home,” sey niya.

Pagbabahagi pa niya, bumili nga raw siya ng sasakyang industrial L-300 last Christmas bilang regalo niya sa sarili para raw mailipat-lipat niya ang kanyang mga halaman.

“I enjoy it. I enjoy the sustainable kind of living, you know. I enjoy eating my own produce, you know. You plant it and then, after a couple of weeks, you eat it like with the sili, talong, kamatis, everything, you know. It’s all in your backyard. So, it’s quite exciting, you know,” lahad pa ni Piolo.