Casimero vs. Inoue posible sa 2023 kasunod ng KO win

ni Gerard Arce @Sports | December 23, 2022

Matapos baligtarin ang resulta ng laban ni dating three-division World champion John Riel ‘Quadro Alas” Casimero laban kay Ryu Akaho ng Japan patungo sa 2nd round knockout na ginanap sa South Korea, muling lumutang ang posibilidad na makaharap nito sa wakas ang undefeated at undisputed bantamweight champion Naoya “Monster” Inoue sa susunod na taon.

Unti-unting nakakakuha ng interes sa mga boxing promoters ang 33-anyos na tubong Ormoc City, Leyte matapos ang matagumpay na pagbaligtad ng desisyon ng Korea Boxing Members Commission (KBM) na mula sa No Contest ay inilagay ito sa knockout victory sa Paradise City Plaza, Incheon. Mas nagkaroon ng maliwanag na dating ang mga promoters na sina Ichitaro Ishii at Masayuki Ito sa hinaharap na boxing career ni Casimero.

Naging malaking tulong sa pagbabago ng desisyon matapos pumalag ang kampo ni Casimero at Games and Amusement Board (GAB) sa naturang laban na masusing inalam at natagpuang hindi galing sa suntok sa batok ni Casimero kay Akaho, bagkus ay hilo na ito at hirap ng lumaban sa 2:25 ng second round. “The Games and Amusements Board (GAB) welcomes the decision of the Korea Boxing Member’s Commission (KBM) to change the result of the December 3, 2022 fight between John Riel Casimero and Ryo Akaho from “NO CONTEST” to “CASIMERO WIN BY KO,” wika ng statement ng GAB. “The KBM has convened two deliberative committees and discussed the issue twice. After its review of the fight and the evidence presented to it, the KBM has decided to declare a Casimero WIN by KO, thereby reaffirming KBM’s commitment to sportsmanship and fair play. GAB supports KBM’s decision and will continue to support the said commission in its boxing regulation functions.

GAB likewise joins the KBM in wishing Mr. Casimero and Mr. Akaho all the best in their future endeavors.”