Captain Det Det, Sasalang sa 2-YO

ni Green Lantern - @Renda at Latigo |November 25, 2022

Kikilatisin ang tikas ni Captain Det Det pagsalang nito sa 2-Year-Old Maiden Race na ilalarga sa Metro Turf, Malvar - Tanauan City, Batangas, ngayong araw.

Rerendahan ni class A rider John Alvin Guce, makakatagisan ng bilis ni Captain Det Det sina Hakeem, Joli Bell, Sneaky Ise at Axis Deviation sa distansiyang 1,200 meter race.

Ayon sa komento ng mga karerista, posibleng maging mahigpit na karibal ni Captain Det Det sina Joli Bell at Axis Deviation sa sasakyan nina Mark Angelo Alvarez at Jeffril Tagulao Zarate.

"Mga batang kabayo kaya puwedeng makasilat kahit sino sa mga dehado, sigurado magandang laban 'yan," saad ni Warren Florentino, veteran karerista.

Nakalaan ang added prize na P20,000 premyo para sa winning horseowner sa event na suportado ng Philippine Racing Commission, (PHILRACOM) sa pamumuno ni chairman Reli De Leon. Isa pang aabangan ng mga liyamadista ay ang magka-kuwadrang Stayinthemoment at Kaka And Bachi na sasalang sa Condition Race Merged na lalarga sa pangalawang karera.

Ang ibang kalahok ay sina Eazacky, The Accountant, Sari baby at My Jopay.

Mga Pili ni Green Lantern:

Race 1 - Captain Det Det (1), Axis Deviation (5)

Race 2 - Stayinthemoment/Kaka And Bachi (6/6A), My Jopay (4)

Race 3 - Six One Six (8), Riding The Tiger (2), Habulin (4)

Race 4 - Sweet Luck (5), Olympic Gold (6)

Race 5 - High Quality/Blazing Bullet (2/2A), Lucky Noh Noh (9), Smart Bell (8)

Race 6 - Unlimited Song (6), Aruba (1)

Race 7 - Light And Shade (10), Shining Angel (4), Pagbabago (3)