Byuti at sexy pa rin… NETIZENS, AYAW MANIWALANG 52 NA SI DAWN

ni Beth Gelena - @Bulgary Files | January 10, 2022

Bago magtapos ang taong 2021 ay may pinasabog si Dawn Zulueta sa sarili. Sa edad na 52 ay ibinandera ng aktres na siya ay may asim pa rin.

Very proud niyang in-upload ang picture ng napaka-flawless na likuran suot ang back-baring tropical swimsuit.

Pinatunayan lang ni Dawn na ang edad ng isang tao is just a number.

Ang larawan ng aktres ay kuha nu’ng sila ay nagbakasyon sa kanilang family-owned Pearl Farm Beach Resort sa Davao Del Norte.

Sinulatan ni Dawn ang sariling larawan, "[emoji] With trepidation: Do I jump or shimmy in to 2022? ‘Coz I’ll be damned if it’s 2020, too! [emoji] #trepidation."

Ang daming nag-like at nagpadala ng heart and fire emojis sa ageless beauty na aktres.

Nabighani rin sa kanyang ganda ang broadcaster-journalist na si Karen Davila.

"Hahaha good caption! But wow, you look gorgeous," sambit ni Karen.

Si Maricel Laxa ay walang nasabi kundi "Jump, jump!”

Maging ang mga netizens ay hindi maiwasang magkomento ng "AY, GOOD MORNING NAMAN PO SA NAPAKAGANDA AT SEXY NA MAMA NAMIN SKSKSM [emojis]."

May mga hindi makapaniwala sa edad ng aktres.

"Ma! ‘Yung totoo, 52 ka na ba talaga? Para namang hindi, hehehe! Sexy mo pa rin [emoji]"

"OMG!!! Ageless mama @dawnzulueta [emoji] sexxxyyyy."

Tulad ni Gretchen Barretto, si Dawn ay isa sa may pinakamagandang mukha sa industriya.