Bukod kay Beauty... BONG, MAY IBANG BABAE PA
- BULGAR
- Apr 18, 2023
- 1 min read
ni Nitz Miralles @Bida | April 18, 2023
Kay Congw. Lani Mercado namin nalamang hindi lang isa kundi "plural daw" (meaning marami) ang makakapareha ni Sen. Bong Revilla, Jr. sa sitcom na pagbibidahan nito, at ang GMA-7 daw ang kasama sa pumili o pipili.
In-announce na nga na sina Beauty Gonzalez at Max Collins ang mga leading ladies ni Bong sa Walang Matigas na Pulis sa Matinik na Misis. Ang hula namin, si Beauty ang gaganap na misis ni Bong sa sitcom. Ang role ni Max ang hindi pa namin alam, pero kapareha rin siya ni Bong.
Kasama rin sa cast sina Pokwang, Kate Valdez, Kelvin Miranda at Niño Muhlach.
Ang nabasa namin, dalawa ang directors ng sitcom at ang isa ay si Frasco Mortiz, anak ni Direk Bobot Mortiz.
Sa May na ang sinasabing airing ng Walang Matigas na Pulis sa Matinik na Misis at natatandaan naming sabi ni Bong, this April na sila magsisimulang mag-taping.
Tinatanong din kung ang sitcom ba niya ang papalit sa mawawalang Daddy's Gurl o may iba itong time slot?
Comments