Buking sa pictures… JOSHUA AT ATHLETE GF, MAGKASAMA SA ITALY

ni Julie Bonifacio @Winner | September 14, 2023

Bukelya ang aktor na si Joshua Garcia ng mga netizens na kasama niya sa Milan, Italy ang kanyang rumored girlfriend na si Emilienne Vigier na isang Filipino-French athlete.

Paano kasi, halos parehas ang mga locations na pinuntahan nina Joshua at Emilienne sa mga lugar sa Italy sa mga pictures na ipinost nila on their respective Instagram accounts.

Alam n’yo naman ang mga netizens, masyadong mabusisi ang mga ‘yan at walang makakatakas sa mga mapanuri nilang mata, ‘di ba?

Kahit solo-solo ang mga pictures nina Joshua at Emilienne na naka-post sa IG, halata ng mga netizens na magkasama sila sa Italy.

Bitbit ni Joshua sa A.S.A.P. Natin ‘To show sa ABS-CBN si Emilienne, ganern?

Kamakailan lang ay nag-post si Emilienne sa Instagram ng kanyang selfie kasama si Joshua.

Sa kabuuan ng kanilang larawan, may nakasulat na caption na: "Jtmmmm", na humantong sa pag-iisip ng ilan na posibleng nangangahulugang "Je t'aime," na isinasalin sa "I love you" sa French.

Kaya naman, patuloy na umaalingawngaw ang tsika sa dalawa na sila na nga, bagama’t wala pa ring kumpirmasyon mula sa kani-kanilang panig.