Boy, napaiyak sa show ni Luis

ni Angela Fernando @News | May 24, 2024

Emosyonal ang naging guesting ng “King of Talk” na si Boy Abunda sa Youtube channel ni Luis Manzano na “Luis Listens.”

Napag-usapan kasi nina Boy at Luis ang namayapang ina ng host at kung ano ang impact nito hanggang ngayon sa kanyang buhay.

Pagbabahagi ng King of Talk, ang ina niya ay matapang at laging present maganda man o pangit ang ibinabato ng buhay na pagsubok.

Proud ding sinabi ni Boy na ayaw niyang mawala ang sakit ng pagkawala ng kanyang ina dahil ito na lang ang natitira niyang koneksyon dito.

Marami namang netizens ang naka-relate sa pagmamahal ni Boy Abunda sa kanyang ina at pinuri ang pagiging authentic nito sa pagsagot ng mga katanungang ibinabato ni Luis patungkol man sa karir o buhay ng batikang TV host.