Botong-boto sa GF ng half-brother…

HIRIT NG ANAK NI SUNSHINE KAY DIEGO: BARBIE, ITRATO MONG PARANG REYNA

ni Nitz Miralles - @Bida | January 6, 2021

Maganda at positive ang start ng relasyon nina Diego Loyzaga at Barbie Imperial dahil walang kumokontra sa kanila. Saka, masaya rin ang mga kaibigan at shippers ng dalawa na nahanap nila ang isa’t isa.

Puro “We love you both” ang nababasang comment sa post ni Barbie na binanggit na sila na ni Diego. Pati nga ang sister ni Diego na si Sam Cruz (anak ni Sunshine Cruz), ang sabi, “Treat her like a queen ah @diegoloyzaga or else. HAHAHA love you guys!” at “We love you both,” naman ang comment ni Sunshine.

Pinakaimportante siyempre kina Diego at Barbie ang comment ng mom ng aktor na si Teresa Loyzaga na “@missbarbieimperial and my son @diegoloyzaga Love each other. Respect each other. Protect each other. Speak kind words to each other. Be happy. You both deserve it,” na sinagot ni Barbie ng “@teresaloyzaga thank you po tita!” at sagot uli ni Teresa, “@msbarbieimperial You’re welcome hija.”