Boss Emong, nakuha ang PCSO Silver Cup

ni Green Lantern - @Renda at Latigo |October 25, 2022

Sulit ang panonood at pananaya ng mga karerista nang magtala ng makapigil-hiningang panalo si Boss Emong sa 2022 Philracom-PCSO Silver Cup na inilarga sa Metro Turf, Malvar - Tanauan City, Batangas, noong Linggo.

Hinangaan ng mga karerista ang ipinakitang husay ng anak nina Dance City at Chica Una na si Boss Emong lalo na ng makipagtagisan ito ng bilis sa unahan pagsapit sa huling kurbada.

Bakbakan si Boss Emong, Sky Shot at Big Lagoon sa rektahan at halos sabay na tinawid ang finish lline kaya na photo finish muna.

Pinag-aralan ng board of stewards ang photo finish at makalipas ang ilang minuto ay hinirang na kampeon ang anak nina Dance City at Chica Una na Boss Emong.

Ginabayan ni star jockey Jeffril Zarate, inirehistro ng Bong Emong ang tiyempong 1:51 minuto sa 1,800 meter race sapat upang hamigin ng winning horse owner na si Kennedy Morales ang premyong P2.4M. "This surely was a race to behold as it held everyone at the edge of their seats until the official outcome was declared. This is the type of pulse-pounding races that the bayang karerista will expect in the coming days and weeks as we head toward the end of the year and the Presidential Gold Cup still ahead," saad ni PHILRACOM chairman Aurelio "Reli" de Leon.

Tumawid na segunda sa meta ang Sky Shot na kumubra ng P800,000 habang P400,000 ang iniuwi ng Big Lagoon sa event na suportado ng Philippine Racing Commission (PHILRACOM).

"Congratulations to the connections of Boss Emong for a job well done," ani De Leon.