Booster dose kontra COVID-19, oks sa sobrang supply ng bakuna

ni Ka Ambo - @Bistado | October 25, 2021

Booster dose kontra COVID-19, oks sa sobrang supply ng bakuna

PUWEDE nang mag-booster dose kontra COVID-19.

Sobra-sobra na kasi ang supply ng bakuna!

◘◘◘

HALOS bina-bahay-bahay para lang magpabakuna nang lahatan ang mga taga-Metro Manila.

Napakalaki ng tama ninyo!

◘◘◘

UMUULAN pa rin.

Ito ay kahit tag-araw na!

◘◘◘

SOBRANG taas ng presyo ng petrolyo.

Bumabawi ang mga buwitre sa laki ng lugi sa panahon ng pandemic!

◘◘◘

ANG mataas na presyo ng langis ay sintomas ng umaandar nang ekonomiya.

Kakambal ng pag-unlad ang pagkagahaman ng mga kapitalista!

◘◘◘

SA aktuwal, napakarami pa ang nagdarahop.

Hindi na maaaring sumaklolo pa ang gobyerno!

◘◘◘

DUMARAMI na ang kaso ng mga pagnanakaw.

Marami kasi ang ayaw mamamatay sa gutom.

Mas gusto nila na ma-salvage na lang!

◘◘◘

ILANG buwan ay tapos na ang termino ni P-Digong.

Aktuwal na hindi niya natuldukan ang illegal drugs!

◘◘◘

WALA na ang POGO ng mga Tsino.

Wala ring trabaho ang mga Pinoy!

◘◘◘

BIGLANG nagging popular ang Dolomite Beach sa Manila Bay.

Isang ambag ni P-Digong sa magandang paligid!

◘◘◘

BUBUHAYIN ang Bataan Nuclear Plant.

‘Yan ang susi sa pag-unlad!

◘◘◘

KAILANGAN ang episyente at tipid na elektrisidad.

Nuclear plant lang ang sagot d’yan!

◘◘◘

ANG totoong kontra sa Nuclear Plant ay ang mga multinational oil companies.

Sila kasi ang mawawalan ng “industriya”!

◘◘◘

ERENG mga gagong Pinoy, nagpapagamit sa mga dayuhang manloloko.

Interest ng dayuhan ang inilalaban ng mangmang na mga Pinoy!