Bongga pa rin ang eleksiyon kahit may krisis, naks!

ni Ka Ambo - @Bistado | November 9, 2021

NAUUSO ang motorcade ng mga kandidato.

Aksaya ng salapi!

◘◘◘

NGAYON na ang pinakamagarbong eleksiyon kahit may krisis.

Nadambong kasi ng mga financers ang COVID-19 fund!

◘◘◘

MALAKING bulto rin ng campaign ay mula sa dalawang superpower.

Ila-launder muna 'yan ng mga NGO at komprador bago ido-donate sa kandidato!

◘◘◘

MARAMI sa nag-file ng COC ay hindi totoong kandidato.

Karaniwan d'yan ay scammer lang!

◘◘◘

MALUNGKOT isipin na ang malaking bulto ng campaign fund ay mai-stranded sa mga kamay lang ng mga lider kuno.

'Yung mga botante ay tatanghod sa “wala”!

◘◘◘

INIHAHANDA na ang face-to-face school classes.

Makakahinga nang maluwag ang mga magulang na naging titser!

◘◘◘

BAKIT kaya ayaw paluwagin nang todo ang vaccination kontra COVID-19.

Kayrami pa ring tsetseburetse bago bakunahan ang mga tao.

Mai-expire lang naman ang mga 'yan!

◘◘◘

DAPAT nang palayain ang mga pribadong grupo na magbenta ng COVID-19 vaccine na commercial grade.

'Pag pinayagan 'yan, tapos na ang krisis.

Ganun lang kasimple!

◘◘◘

DAPAT magsagawa lahat ng LGU ng house-to-house vaccination.

Bakit ayaw ipatupad 'yan?

Sandakot na mangmang!

◘◘◘

KRISIS sa ekonomiya ang aktuwal na problema.

Walang solusyon d'yan si P-Digong!

◘◘◘

BILYUN-BILYONG COVID-19 fund ang hindi malaman kung saan napunta.

Baka ipambibili ng tarpaulin sa kampanya?