Bomalabs na ang bakbakang Pacman at UFC Superstars
- BULGAR
- Aug 6, 2021
- 2 min read
ni Gerard Arce - @Sports | August 06, 2021
Pinal ng tinuldukan ang naunang planong pagtatapat ng nag-iisang eight-division World champion Manny “Pacman” Pacquiao at UFC two-weight World titlist Conor “The Notorious” McGregor matapos mabigo sa trilogy fight ang Irish mixed-martial artists kontra kay Dustin Poirier nung isang buwan, habang umugong naman ang ispekulasyon ng pagkakadikit nito sa isa pang legendary MMA superstar.
Pinaplano sanang mangyari ang matinding cross-over bout ng dalawa noong isang taon, ngunit mismong si legendary boxing coach/trainer at Hall of Famer na si Freddie Roach ang nagkumpirma sa naturang laban.
“No interest,” wika ni Roach sa panayam ng The Sun rito. “Manny does not have any interest in fighting an MMA fighter. He wants to fight the best fighters out there,” dagdag ni Roach matapos maidikit muli si Pacman sa isa pang legendary MMA fighter na si George “Rush” St-Pierre. “It's not going to be a guy from another sport. Manny and Georges St-Pierre are friends and so forth, but the sports just do not match up well together.”
Inamin ng 61-anyos na native ng Dedham, Massachusetts at kasalukuyang head trainer ng pamosong Wild Card Gymnasium sa Los Angeles sa California, na sakaling lalabang muli ang numero-unong alaga ay mas makasisigurong lalaban ito sa mas mga bigating boksingero o di kaya’y tuluyan na lamang magretiro sakaling maging matagumpay ito sa kanyang political career.
“If he can't be at that level at boxing, then he doesn't want to be boxing - he will retire and hopefully become president of his country,” bulalas ng boxing trainer at dating professional boxer. “If there is another fight after this it's not going to be McGregor, it's going to be one of the best guys out there.”
Nakatakdang sumabak sa unification title fight ang 42-anyos na Filipino senator kontra sa unified IBF/WBC welterweight title holder at undefeated na si Errol “Truth” Spence Jr at sa bakanteng The Ring 147-pound belt sa Agosto 21 (Agosto 22 sa Pilipinas) sa T-Mobile Arena sa Las Vegas, Nevada.
Comments