Bohemian at Jubilum mag-uunahan sa 3-YO

ni Green Lantern - @Renda at Latigo |December 9, 2022

Magkakasubukan ng husay sa karerahan sina Bohemian at Jubilum pagharap nila sa 3-Year-Old & Above Maiden Race na ilalarga sa Metro Turf, Malvar - Tanauan City, Batangas ngayong araw.

Tiyak na suportado sina Bohemian at Jubilum ng mga liyamadista kaya posibleng markado sila ng ibang mga kalahok. Pakakawalan ang nasabing event sa Race 1 sa distansiyang 1,200 meter race, kaya naman paniguradong pinag-aralan mabuti ng mga karerista ang kanilang tatayaan upang maka-isang puntos din agad sa winner-take-all.

Gagabayan ni JT Pabilic si Bohemian habang si former Philippine Sportswriters Association, (PSA) Jockey of the Year awardee Jessie B. Guce ang rerenda kay Jubilum.

May added prize na P20,000 para sa winning horse owner, ang ibang kasali ay sina Jewel Of The Nile, Palm Beach, Steady Cat at Mystic. Suportado rin ng Philippine Racing Commission, (PHILRACOM) sa pamumuno ni chairman Reli De Leon ang nasabing event.

Samantala, pitong races ang ilalarga ngayong araw ng Biyernes ng Metro Manila Turf Club Inc.

(MMTCI) kaya tiyak na masaya ang mga karerista sa kanilang pananaya.

Mga Pili ni Green Lantern:

Race 1 - Jubilum (4), Bohemian (2)

Race 2 - Destiny (5), Red Rock (4/ Exceptional (4A)

Race 3 - Princess Belle (5), Christiano (2), Vitreus (7)

Race 4 - Mellifluous (3), Hugo Bozz (1), Galing Sa Mabait (5)

Race 5 - Heritage (7), Red Hawk/Heaven's Gift (3/3A), Hi Jack (2)

Race 6 - Mandatum (2), Off Shoulder (5)

Race 7 - Smart Julliane (9), Panday Pira (5), Polloc Island (2)