Birthday trip, nauwi sa lamay, 4 patay

ni Mai Ancheta @News | October 6, 2026

Photo: MDRRMO Silago

Nauwi sa pagluluksa ang dapat sana ay masayang selebrasyon ng isang pamilya nang madisgrasya ang kanilang sasakyan at bumangga sa isang malaking puno sa Brgy. Tubod,  Silago, Southern Leyte.

Patungo sa Isla San Pablo ang mag-anak sakay ng elf truck para ipagdiwang ang birthday ng isang miyembro ng pamilya nang mangyari ang trahedya.

Biglang namatay ang makina ng sasakyan sa kurbadang bahagi ng national road, kaya nawalan ng kontrol sa manibela ang driver at bumangga sa isang puno.

Tumalipon ang mga biktima sa loob ng sasakyan dahil sa lakas ng pagkakasalpok at tatlo ang dead-on-the-spot habang ang isang biktima ay binawian ng buhay sa pagamutan.

Ang mga sugatang biktima ay patuloy na nilalapatan ng lunas at nagpapagaling sa ospital.