Binanggit sa wedding vow… MAJA AT RAMBO, NAGKABALIKAN NOON DAHIL KAY SARAH

ni Vinia Vivar @Frankly Speaking | August 3, 2023

Viral sa social media ang video ng wedding vow ni Maja Salvador kay Rambo Nuñez noong ikasal sila last July 31 sa Bali, Indonesia. Dito ay naging emosyonal ang aktres kung saan ay nabanggit pa niya si Sarah Geronimo na naging daan para magkabalikan sila.

“Ikaw at ako, wala nang iba. Dahil nga nag-umpisa ‘yung kilig at pagmamahalan natin after ng concert ni Sarah. Kung darating man ‘yung araw o panahon na kukuwestiyonin mo kung mahal kita, lagi mo lang tandaan ‘yung kanta niya,” parte ng wedding vow ni Maja.

Well, hindi naman lingid sa kaalaman ng lahat na naging boyfriend na ni Maja si Rambo when she was younger. Ilang buwan lang silang naging magdyowa dahil that time ay mas priority niya ang kanyang career.

After 9 years ay muli silang nagkabalikan na nagsimula nga nang magkita sila matapos ang concert ni Sarah G. Noon pa sinasabi ni Maja na isa rin siyang Popster (tawag sa mga fans ni Sarah).