ni Beth Gelena @Bulgary Files | August 11, 2023
Nagsampa na ng kasong syndicated estafa ang National Bureau of Investigation (NBI) sa presidente ng Flex Fuel Petroleum Corp. na si Ildefonso C. Medel, Jr. a.k.a. “Bong” at sa 11 pang opisyales ng kumpanya.
Hindi kasama ang pangalan ng anak nina Vilma Santos-Recto at Edu Manzano na si Luis Manzano sa mga nakasuhan.
Sa ulat ng TV Patrol noong Miyerkules (August 9), lumabas sa imbestigasyon ng NBI na hindi nila nakitaan na may kinalaman umano ang actor-TV host sa money issue kung saan isinasangkot siya.
Sa Taguig Prosecutor’s Office isinampa ng NBI ang reklamo laban sa presidente ng kumpanya.
Ang nakasaad sa imbestigasyon, “The above-named executives are the company officers when Flex Fuel has solicited investments from the public under the pretense that their one-time investment will make them co-owners of gasoline stations. This representation, nonetheless, did not materialize.”
Hindi kasama sa nasampahan ng reklamo si Luis kahit isa ito sa mga incorporators ng kumpanya dahil nag-resign na ito at hindi na konektado sa Flex Fuel noong 2021 — ang taon kung kailan nag-invest ng pera ang ilan sa mga nagrereklamo.
Anila, “His [Luis] name was no longer reflected as such in subsequent years on the Securities and Exchange Commission (SEC) documents, owing to his resignation.”
Isa rin si Luis sa mga nagreklamo sa Flex Fuel dahil pati siya ay nawalan ng P66 M investment.
Masayang-masaya naman ang kampo ng actor-TV host sa resulta ng imbestigasyon ng NBI.
Ayon sa spokesperson ni Luis na si Atty. Regidor Caringal, “We thank the National Bureau of Investigation for working to obtain justice for investors like our client, Luis Philippe ‘Lucky’ S. Manzano, who appealed to law enforcement authorities to investigate the operations of Flex Fuel Petroleum Corporation.
“He shares his co-investors’ hope for a quick resolution to this matter, and he remains committed to helping efforts to recover the funds that they invested in the company.”