Bigtime tulak, huli sa P3M shabu

ni Mervin Reyes @News | August 19, 2026

Photo: Circulated / PNP Quezon Police Provincial Office

Nasamsam ng mga awtoridad ang mahigit P3 milyong halaga ng hinihinalang shabu mula sa isang umano’y high-value drug trafficker sa Lucena City, Quezon, Martes ng madaling-araw.

Ayon kay Quezon Police Provincial Office Chief Col. Romulo Albacea, naaresto ang suspek na si alyas Ogie, 36, alas-3:01 ng madaling-araw matapos umanong magbenta ng P1,000 halaga ng shabu sa isang police poseur-buyer sa Brgy. Ibabang Dupay.

Nakumpiska sa suspek ang isang heat-sealed sachet at dalawang knot-tied plastic bag na naglalaman umano ng 150 gramo ng hinihinalang shabu na P3,000,060 ang estimated street value.

Nakumpiska rin ang motorsiklong pinaniniwalaang ginagamit sa ilegal na aktibidad ng suspek.