Biglang nabulgar dahil sa post ni Rodjun sa binyag…AMA NG ANAK NI WINWYN, HAWIG KAY PAULO AVELINO

ni Nitz Miralles - @Bida | October 9, 2022

Sa binyag ng anak ni Winwyn Marquez na si Baby Luna, nagkaroon ng face reveal ang partner ni Winwyn at ama ng kanyang anak.

Ang nakakatuwa lang, hindi mismong si Winwyn ang nag-post ng photo kundi si Rodjun Cruz na isa sa mga ninong ng baby.

Hindi naman siguro magagalit si Winwyn at ang partner nito na inunahan sila ni Rodjun sa face reveal dahil hindi naman pinangalanan ng aktor ang kanyang kumpare. Basta nag-post lang siya ng photos sa binyag at meron ngang litrato na kasama rin si Enzo Pineda na isa rin sa mga ninong.

Saka, maganda ang comments ng mga netizens sa partner ni Winwyn. Sabi nila, guwapo ito, maaliwalas ang mukha at parang positive raw ang datingan at mukhang mabait. May nag-comment pa na may anggulo na kamukha nito si Paulo Avelino.