Bigatin ang mixed doubles partner ni Eala sa U.S. Open

by Gerard Arce @Sports News | July 29, 2026

Photo: Alex Eala win vs Sheng Qinwen of China - WTA

Masisilayan sa kanyang unang salang sa professional mixed doubles si Filipina tennis star Alexandra “Alex” Eala kasama si 2024 Paris Olympics bronze medalist at kasalukuyang ATP World No.4 Felix Auger-Aliassime ng Canada sa 2026 US Open simula Agosto 24 hanggang 26 sa Louis Armstrong Stadium at Arthur Ashe Stadium sa New York.  

Bigatin ang makakaharap ng bagong katambal ni Eala sa katauhan ng 2-time US Open semifinalist, na nagawang mapagwagian ang mixed doubles bronze medal sa Paris Games kasama si Gabriela “Gaby” Dabrowski. Hindi na bago sa  mixed doubles si Eala na napatunayang kayang makipagsabayan sa mga bigating kompetisyon matapos magwagi ng tanso sa 2022 Hangzhou Asian Games kasama ang kababayang si 2-time SEAG gold medalist Francis Casey Alcantara.

Tutukuyin sa wild card ang 8 koponan at iaanunsyo ang mga  susunod na petsa. Nakalinya ring paluan ni Eala ang WTA1000 National Bank Open sa Canada sa Agosto, kung saan nakapasok sa main draw si Eala, habang tutok ito sa singles event ng Mubadala DC Open kagabi katapat si Paris Olympics gold medalist Qinwen Zheng ng China. Naghahanda ring sumali si Eala sa WTA 500 Singapore Open, matapos ang US Open, simula Setyembre 21 hanggang 27.