Bidang aktor mismo ang backer… JERIC, JOIN SA SERYE NINA ALDEN AT BEA

ni Nitz Miralles - @Bida | March 17, 2022

Ipinakilala na ng GMA-7 ang dalawa pang makakasama nina Bea Alonzo at Alden Richards sa Philippine adaptation ng Korean drama na Start-Up na sina Jeric Gonzales at Yasmien Kurdi.

Overwhelmed si Jeric sa nalaman na si Alden mismo ang nagrekomenda sa kanya na masama sa cast. Alam niyang makakaya ni Jeric ang maibibigay ditong role at nangakong gagawin ang lahat para magampanan nang mahusay ang trabaho niya.

“Matagal kong hinintay ang ganito kalaking break. 'Andu’n ang pressure, but good pressure siya at matsa-challenge ako,” pahayag ni Jeric.

Tuwang-tuwa rin si Yasmien nang malamang kasama siya sa cast ng Start-Up dahil noong pandemic, ito ang paulit-ulit niyang pinapanood.

“Matagal na akong naghahanda para makasabay ako sa mga kasama ko. First time kong makakasama sina Alden at Bea at Jeric din. I’m so excited dahil new cast ang makakasama ko, very refreshing. Excited din ako sa gagampanan kong role. Saka, fan ako ng Start-Up,” ani Yasmien.