Bida ng katapat na Katips… JEROME, GAGANAP NA YOUNG NINOY SA PART 2 NG MIM

ni Nitz Miralles - @Bida | August 10, 2022

Nananatiling naka-disable ang comment box ng Instagram ni Jerome Ponce, hindi tuloy siya matanong ng mga followers niya kung kasama siya sa cast ng second installment ng Maid in Malacaῆang o MiM, ang Mystery o Murder o MoM.

Hindi lang basta kasama sa cast si Jerome, siya pa yata ang gaganap sa role ng young Ninoy Aquino.

Ipinost kasi ni Director Darryl Yap ang photo ni Jerome sa Facebook account ng Vincentiments at ang caption ay “#MoM Flashback. Young fellow,” at naka-salamin pa si Jerome.

Sabi ni Direk Darryl noon, ipo-post niya ang photo ng aktor na gaganap sa role ni Ninoy kung tatanggapin ang project. So, ibig sabihin, in na si Jerome.

Lalo nitong maba-bash si Jerome dahil hindi lang basta pinanood ang MiM na katapat ng showing ng Katips na movieniya, makakasama pa siya sa cast ng MoM.

Tiyak na tuloy ang sagutan online nina Direk Darryl at Direk Vince Tañada na director ng Katips.

Ang latest nga, hinamon ni Direk Darryl si Direk Vince na ilabas ang real box office gross ng Katips, bagay na hindi pa sinasagot ni Direk Vince.

“For the sake of honesty and for your cause to fight disinformation, I challenge Vince Tañada to disclose the real numbers of his films’ gross. Explain why you joked about 41.8M for your opening day and why you enjoy the fake news of 198M as your total gross to date.

"Together, we must fight the bigger enemy Mr. Tañada. This and all for the sake of the Philippine Movie industry and our responsibility to the Bureau of Internal Revenue Philippines.”