BF na si Dominic, iniwan sa 'Pinas… BEA, MAG-ISANG NAGBAKASYON SA SPAIN

ni Nitz Miralles - @Bida | March 15, 2022

Mukhang hindi pa rin masisimulan ang projects ni Bea Alonzo, pelikula man o TV series sa GMA-7 dahil lumipad ito pa-Madrid kahapon. Mag-isa lang nag-travel si Bea, kaya sabi, “It feels weird leaving Manila without Dom.

"...and I’m off to Madrid! Kitang-kita n'yo ba 'yung excitement ko? It’s been a long time since I’ve boarded an international flight, and the last time I was in Europe was in 2019 pa. Bye for now, Manila.”

Personal ang lakad ni Bea, last year pa naka-schedule at ngayon lang nagkaroon ng open schedule at habang wala pang ginagawa, itinuloy na ni Bea ang naka-schedule na bakasyon. Pagbalik ni Bea, magsisimula na siyang magtrabaho.

Anyway, hindi pa rin makapag-move on ang ilang Kapamilya fans sa paglipat ni Bea sa GMA Network dahil sa vlog niya, sinagot ang mean comments from the fans.

Isa sa mga comments, ayaw na raw niya kay Bea dahil sa pag-alis nito sa ABS-CBN kung kailan nakadapa ang network. Ang isang netizen, tinawag na “laos” si Bea na in fairness, hindi napikon sa mga tanong sa kanya.

Sabi ni Bea, “Hindi siya madaling desisyon. Super-tagal kong pinag-isipan and I have my own reasons for it. And I wish maisa-isa ko sa iyo, pero hindi ko na kailangang gawin 'yun because I don’t have to. I don’t have to explain myself because I think I’ve done that.”