BF at dyowa ng ex na si Pampi... RAYMART AT IWA, BINATI SA GRADUATION SI THIRDY, JODI DEDMA LANG

ni Julie Bonifacio @Winner | May 16, 2023

Magkasabay na nagtapos ang panganay na anak ni Jodi Sta. Maria at ni Cavite Vice-Governor Jolo Revilla ng high school sa De La Salle Zobel last week.

Matatandaan na dating magkarelasyon sina Jodi at Jolo. Hindi lang natin sure kung nagkita at nagkabatian ang dalawa sa graduation rites ng kani-kanilang panganay na anak.

Sa kani-kanyang post sa kanilang Instagram, makikita ang picture ni Jodi with her son, Thirdy Lacson, at si Jolo with his son, Gab, kay Grace Adriano na eldest ni Rosanna Roces.

Caption ni Jodi sa IG post niya during Thirdy's graduation: "I closed my eyes for a moment and suddenly a man stood where a baby I carried in my arms used to be. You have given us so many reasons to be proud of the man you have become, but the proudest moment for me is telling the whole world that you are my son. Congratulations, anak! Dream big. Soar high.

We will always be here cheering for you. May our good Lord continue to bless you, keep you, and make His face shine on you. You are loved, anak!"

Nag-post din ng kanyang mensahe si Jolo para kay Gab. Mensahe ni Jolo sa kanyang anak, "This is the beginning of a wonderful future for you, brace yourself for the adventure and excitement that awaits you. We love you and we are very proud of you. Congratulations Gab!"

Present din sa graduation ni Thirdy ang kanyang ama na si Pampi Lacson at sister niya sa current partner nito na si Iwa Moto.

Habang si Jolo ay kasama ang kanyang misis na si Angelica Alita sa graduation ni Gab.

Sa IG post ni Jolo ng mga graduation photos nila ni Gab ay bumati si Bacoor City Congw. Lani Mercado-Bautista sa unang apo nila ni Senator Ramon "Bong" Revilla, Jr..

"Time flies so fast! Congrats my apo! College boy ka na," sey ni Congw. Lani.

Ang dami ring bumati sa comment section ng IG post ni Jodi ng graduation ni Thirdy na mga celebrity friends and followers, including ang rumored boyfriend ng isa sa mga bida ng malapit nang mapanood na drama series ng GMA-7 at ABS-CBN Entertainment, ang Unbreak My Heart, na si Raymart Santiago.

Karamihan ng bumati kay Thirdy sa IG post ni Jodi ay ni-reply-an ng aktres, except ang mga comments nina Raymart at Iwa.

Pero, huwag nang gawan ng intriga ang hindi pag-reply ni Jodi sa pagbati ni Iwa kahit na nagkaroon ng isyu sa kanila last election.

Kasi, makikita rin sa caption ni Jodi sa IG post niya na naka-tag doon si Iwa. So, everybody happy ang "blended" family nina Jodi at ex-husband niya na si Pampi.