BEA, UMAMING UMATRAS SA MOVIE NILA NI ALDEN

ni Nitz Miralles @Bida | May 4, 2023

Hindi na tuloy ang pelikulang pagtatambalan sana nina Bea Alonzo at Alden Richards na A Special Memory at collaboration sana ng GMA Pictures, Viva Films at APT Entertainment. Nag-back-out na si Bea sa nasabing project, pero sa statement ng GMA Network, postponed lang ang pelikula.

Heto ang statement ng GMA Network patungkol sa A Moment To Remember na naging Special Memory.

"GMA Pictures, Viva Films, and APT Entertainment would like to announce the postponement of the movie, A Moment To Remember, originally top billed by Alden Richards and Bea Alonzo, due to scheduling conflicts within production team. The new production date, cast, and cinema release will be announced in due time."

Samantala, ibinalita ni Boy Abunda sa Fast Talk with Boy Abunda na nag-backout si Bea sa nasabing project at ayon ito sa announcement at statement na ipinadala ng manager ni Bea na si Shirley Kuan.

"In the spirit of fairness, we deemed it appropriate to advise the producers of Special Memory, a movie adaptation of A Moment to Remember, that Ms. Bea Alonzo had to respectfully beg off from this movie project due to her full schedule this year.

"Ms. Bea Alonzo has contractual obligations with GMA Network to fulfill, and that shall remain as our top priority."

Ayon kay Boy, matutuwa si Bea kung magkakaroon ng recasting para sa pelikula dahil ibig sabihin, trabaho ito para sa ibang aktres.

Hindi lang malinaw na kasama ang karakter na gagampanan sana ni Alden sa mapapalitan kapag natuloy ang nasabing pelikula.

Totoo namang busy si Bea dahil may stage play ito, may mga naka-line-up na pelikula at nagte-taping pa ng series nila ni Dennis Trillo na Love Before Sunrise.

Habang si Alden naman ay nagsu-shooting para sa movie nila ni Julia Montes na Five Break-Ups and a Romance na collaboration ng GMA Pictures, Cornerstone Entertainment at ang production ni Alden na Myriad Corporation.

Sa tanong kung may chance pang magsama at gumawa ng pelikula sina Bea at Alden, wala pang makapagsabi sa ngayon.