Bea, habang galit pa rin sa ex-BF… GERALD, HAPING-HAPI NAMAN SA PILING NI JULIA

ni Nitz Miralles @Bida | February 2, 2023

Kilig na kilig ang mga fans sa mga lumabas na photos nina Gerald Anderson at Julia Barretto na kahit saan, basta magkasama sila ay sweet na sweet. Mula sa Marikina Sports Center kung saan may laban sa basketball ang team ni Gerald hanggang sa Botolan, Zambales, ang sweet ng dalawa.

Sabi tuloy ng mga Marites, ang photos nina Gerald at Julia na sweet at laging magkadikit ang sagot nila sa interview ni Boy Abunda sa Fast Talk with Boy Abunda kay Bea Alonzo.

Sa nasabing interview, diretsahang sinabi ni Bea na hindi na sila puwedeng maging magkaibigan ni Gerald.

May cute comment pa ang mga netizens na dahil kay Gerald, naaarawan si Julia dahil noong nasa Botolan sila, mainit ang araw sa kanilang pamamasyal. May suot lang na beanie si Julia at sunglasses at rumampa na kasama ni Gerald.