Bayaran daw ng pulitiko, napahamak... LOLIT KAY AI AI: GAMITIN ANG UTAK!

ni Vinia Vivar - @Frankly Speaking | June 13, 2022

Nakatikim ng pagtalak si Ai Ai delas Alas mula sa veteran showbiz writer-talent manager na si Lolit Solis kaugnay ng pagkakadeklara sa kanya bilang ‘persona non grata’ sa Quezon City.

Ayon kay ‘Nay Lolit, self-destruction ang ginawa ni Ai Ai at maling-mali raw ito na dahil lang sa pangangampanya sa isang kandidato ay pinersonal ang pag-atake sa kalaban.

“Hayan ang sinasabi ko, Salve, na dapat, kahit binayaran ka para ikampanya ang isang kandidato, dapat maingat ka at tingnan mo ang magiging resulta nito ng pang-mahabang panahon.

“Like in the case ni Ai Ai delas Alas, puwede niyang ikampanya ang kandidato niya nang hindi magiging very personal ang atake sa kalaban.

“Parang self-destructing na dahil lang sa ibinayad sa iyo, forever nang tatak ang kabastusan na ginawa mo. Naging persona non grata pa siya ng QC dahil pati ang seal ng lungsod, hindi niya iginalang.

“Dapat isipin mo na meron after effect ang ginagawa mo na baka maging dahilan ng mas malaking damage para sa iyo. Magkano ba ang ibinayad, masyado bang malaki para talikuran mo na ang lahat-lahat pati pakikisama?” litanya ni ‘Nay Lolit.

Payo niya pa kay Comedy Queen, dapat daw ay gamitin ang utak.

“Sayang, lalo pa nga at sa ganitong panahon, mas marami kang friends, the better. Hay naku, isip-isip kasi, gamitin ang utak,” mensahe ni ‘Nay Lolit kay Ai Ai.