Batas sa muling pagpapakasal ng isang Muslim

ni Atty. Persida Rueda-Acosta - @Magtanong Kay Attorney | April 27, 2022

Dear Chief Acosta,

Isa pong Muslim ang asawa ng aking kapatid kaya’t nag-convert na rin siya nang magpakasal siya rito. Nais ngayon ng kanyang mister na magpakasal sa dalawa (2) pang babae. Ganoon na lamang po ba ito kadali?

Morrie

Dear Morrie,

Para sa inyong kaalaman, mayroong panuntunang sinusunod sa muli o sa pangalawa, pangatlo o higit pang pagpapakasal ng isang Muslim. Naipabatid ito ng ating Kagalang-galang na Korte Suprema sa kasong Francis D. Malaki and Jacqueline A. Salanatin-Malaki vs. People of the Philippines (G.R. No. 221075, November 15, 2021, Ponente: Honorable Associate Justice Marvic M. V. F. Leonen), kung saan maliwanag na sinabi na:

““Muslim husband must first notify the Shari'a Circuit Court, where his family resides, of his intent to contract a subsequent marriage. The clerk of court shall then serve a copy to the wife or wives. If any of them objects, the Muslim Code mandates the constitution of the Agama Arbitration Council, which shall hear the wife.

Ultimately, the Shari'a Circuit Court decides whether to sustain the wife's objection. “In other words, the consent of the wife, or the permission of the Shari 'a Circuit Court if the wife refuses to give consent, is a condition sine qua non with respect to the subsequent marriage.” Absent the wife's consent or the court's permission, the exculpatory provision of Article 180 shall not apply, since it only exempts from the charge of bigamy a Muslim husband who subsequently marries "in accordance with the provisions of [the Muslim Code].” [Binigyang-diin.]

Samakatuwid, mahalagang nalalaman ng mga naunang asawa ang kanyang intensyon at tiyak siya na nagagampanan ang kanyang responsibilidad sa lahat ng kanyang pamilya. Mahalaga rin na iisa ang kanilang paniniwala, bago pa man maipasailalim ang katanungan sa Shari’a Court na siya ring may katungkulang magpabatid sa lahat ng asawa ukol sa sitwasyon.

Sana ay nabigyan namin ng linaw ang inyong katanungan. Ang payong aming ibinigay ay base lamang sa mga impormasyon na inyong inilahad at maaaring magbago kung mababawasan o madaragdagan ang mga detalye ng inyong salaysay.

Maraming salamat sa inyong patuloy na pagtitiwala