Batas ni Bistek 'pag naging senador, suportado…"YES TO DIVORCE IN THE PHILS." — RUFFA

ni Julie Bonifacio - @Winner | February 18, 2022

Suportado ni Ruffa Gutierrez ang isinusulong na batas ukol sa divorce ni senatorial aspirant at dating Mayor ng Kyusi na si Herbert “Bistek” Bautista.

Ini-repost ni Ruffa ang tweet mula sa CNN Philippines na posisyon ni former Kyusi Mayor Herbert when asked during an interview sa kilalang news agency sa Pilipinas.

Ayon sa CNN Philippines, bukas si Herbert sa posibilidad na pagsuporta sa isinusulong na divorce law sa bansa once makakuha siya ng seat sa Senado sa darating na halalan.

Caption ni Ruffa sa kanyang post from CNN Philippines on Twitter, “YES TO DIVORCE IN THE PHILIPPINES, one of the only countries in the world where divorce is illegal despite philandering and abusive spouses.”

May “lisensiya” si Ruffa to share her sentiments regarding divorce dahil alam naman ng publiko ang pinagdaanan niya living with her daughters’ father, ang Turkish businessman na si Yilmaz Bektas.

Naiintindihan ng mga netizens where she’s coming from sa pagsuporta sa divorce law na susubukang i-push ni Herbert once he become a senator.

Ang ibang netizens naman, for sure ay kinilig sa post ni Ruffa sa Twitter na may kinalaman kay Bistek.

They are romantically-linked kasi now although an official statement has yet to be made.

May tsika rin na si Herbert ang inspirasyon ng It's Showtime's Sexy Babe hurado sa kanyang pag-aaral daw sa kolehiyo ngayon.

At diumano, magtatapos na si Ruffa sa kanyang kursong Mass Communications soon.

Pero, bakit tila naengganyo siya ni UP Professor Carlita Carlos na mag-aral pa ng political science na very much related sa field of work ni Herbert?

Sa isang separate tweet ni Ruffa ay inihayag niya ang kanyang paghanga sa Political Science professor na si Carlos.

Tweet ni Ruffa, “I super loveee Professor Carlos. She is fierce and brilliant! It would be an honor to meet her one day. #IDOL”

Ang dami raw niyang natutunan nu’ng napanood niya si Prof. Clarita sa isang presidential debate sa isang TV network.

“I must admit that I learned a lot tonight. 4 hours well spent. I am so inspired to take up Political Science. Kaya ko kaya? Hmmmm.”

Hayagan na rin ang ginagawang pangangampanya ni Ruffa para kay Herbert sa kanyang social media platforms tulad ng tweet niya kamakailan, “HERBERT “BISTEK” BAUTISTA, Senador ng Kabataan. Number 8 po tayo sa balota! Bistek858 Happy Saturday!”

‘Yun na!