Barbie, knows mo ‘yan? JAK AT JACKIE, SPOTTED NA NAGDE-DATE

ni Erlinda Rapadas @Teka Nga | June 9, 20255

Photo: Jak Roberto at Jackie Gonzaga - Circulated, FB

Mukhang naka-move on na si Jak Roberto sa breakup nila ni Barbie Forteza. Masaya siya ngayon dahil nakabili ng bagong modelo ng Ford Ranger at may mga kaibigang kasa-kasama niya sa pagmomotorsiklo. 

Nababalita rin na madalas silang nakikitang magkasama ni Jackie Gonzaga, ang ‘Ate Girl’ sa It’s Showtime (IS). May mga nakakita na sweet sila nang magpunta sa isang bar. 

Well, ang alam namin ay single si Jak pero hindi ba't si Jay Contreras ng Kamikazee ang rumored BF ni Jackie? 

Samantala, marami namang JakBie (Jak at Barbie) fans ang hanggang ngayon ay patuloy na umaasa na magkakabalikan sina Barbie Forteza at Jak Roberto.

Kailangan lang na bigyan nila ng space ang isa’t isa para malaman kung sila pa rin ang nakatadhanang magsama.

---

Maraming netizens ang hindi pabor at dismayado sa ginawang paglalantad sa social media ni Tom Rodriguez sa kanyang anak at bagong partner ngayon. 

Dapat daw ay nanatili na lang private ang kanyang personal na buhay. Alam naman niyang hindi naging madali ang paghihiwalay nila noon ng kanyang ex-wife na si Carla Abellana. Wala silang pormal na closure at hindi nila naayos ang kanilang naging problema. 

Ang tanging statement noon ni Tom ay divorced na sila ni Carla dahil US citizen siya.

Marami tuloy ang nagsasabing gumaganti lang si Tom kay Carla kaya inilantad na niya sa social media ang kanyang mag-ina. 

Maraming kababaihan ang naawa at nakikisimpatya sa aktres. Alam nilang nasaktan ito at dinamdam na may kapalit na siya sa puso ng dating mister. At kahit papaano ay may pinagsamahan sila ni Tom at malaki ang naging bahagi nito sa kanyang buhay. 

Ganunpaman, hangad daw niya ang kaligayahan ni Tom. 

Ramdam ng lahat ang lungkot ni Carla Abellana na wala pang bagong karelasyon ngayon.

---

MARAMING viewers ng Lolong ang awang-awa na kay Shaira Diaz sa kanyang role bilang Elsie.

Grabe ang hirap na dinanas niya sa kamay ni Martin del Rosario na bukod sa sinasaktan siya ay pinagsamantalahan pa. 

Malaking challenge ito para kay Shaira dahil dati ay magaan lang ang kanyang role na ginagampanan sa serye, pero sa sequel ng Lolong ay pinahirapan siya physically at emotionally. Matitindi ang mga eksenang ginawa niya at pumayag siyang maging batang ina. Handa na siya sa mature role. 

Well, pinupuri si Shaira ng kanyang direktor at mga co-stars sa Lolong. Napaka-professional daw nito sa trabaho. Maging si Ruru Madrid ay saludo kay Shaira Diaz dahil nagpapakita ito ng galing sa pag-arte.