Balik-'Pinas, bati na raw sila ng mister… HEART, UMUWI NA SA BAHAY NILA NI SEN. CHIZ

ni Vinia Vivar - @Frankly Speaking | November 9, 2022

Matapos ang halos dalawang buwang bakasyon sa Paris, balik-'Pinas na si Heart Evangelista base sa kanyang OOTD (outfit of the day) video kamakailan.

Makikita sa video ang kanyang walk-in closet na very familiar na sa fans and netizens dahil dito nga siya parating nagbibihis sa kanyang mga videos.

Sa audio ay sinabi ni Heart that she’s back at nasa Season 3 na siya ng kanyang buhay.

“Good morning, Philippines! I am back with a vengeance! Welcome to the Season 3 of my life!”

ang energetic na sabi ni Heart.

For her OOTD that day, Heart wore a white crop top and black skirt with slit dahil aniya ay mainit daw sa 'Pinas. Tinernuhan niya ito ng white boots na okay lang daw kahit mainit dahil naka-aircon naman siya maghapon at may mga butas naman ang shoes.

Natuwa ang mga fans na makita ulit si Heart sa bahay nila ng asawang si Sen. Chiz Escudero sa gitna ng balitang hiwalay na sila.

“The walk-in closet is back,” komento ng isang netizen.

Puna naman ng isa pa, “Bumalik na siya sa bahay niya so bati na sila, charot.”

Sinagot naman ito ng isang fan ni Heart. Aniya, “She never left their home. Every time umuuwi siya sa Pilipinas from her work trips, she goes home. Stop believing in tabloids and chismis blogs.”

Pero kahit kauuwi lang ay mukhang umalis ulit si Heart at pumunta naman ng Singapore base sa kanyang post.

Bongga si Heart, nakauwi at nakaalis ulit ng 'Pinas na parang walang nakaalam.