Bagong PNP chief na si Gen. Debold Sinas, ‘yun ang “boldest decision”!

ni Ka Ambo - @Bistado | November 10, 2020

Pormal nang itinalaga si NCRPO chief Gen. Debold Sinas bilang bagong PNP chief.

Da boldest decision!

◘◘◘

Inamin ni Vaccine czar Carlito Galvez na ang pinakamalaking bulto ng bakuna kontra COVID ay darating sa Disyembre 2021.

Nanangkupooo!

◘◘◘

Malinaw ngayon na maaaring magkaroon ng vaccine bandang Abril, Mayo o Hunyo, 2021—pero ito ay para lang sa mayayaman.

Ang mga nagdarahop, tatanghod muna!

◘◘◘

Marami pang lugar sa Bicol ay nasa ilalim ng baha, wasak pa rin ang libu-libong bahay.

Pero, nagbabanta pa rin ang mga bagyo kasama na si Ulysses!

◘◘◘

Inaasahan ang paglala ng pandemic sa lugar na biniktima ng mga bagyo.

Walang duda ‘yan!

◘◘◘

Isang malaking hamon sa bagong PNP chief ang pagkamatay ng drug suspect sa loob ng ospital.

Pinatay na, pinatay pa ulit!

◘◘◘

Nagkaroon ulit ng riot sa loob ng Bilibid.

Sino naman kaya ang madadale?

◘◘◘

Na-snatch ang cellphone ni Labor Sec. Silvestre Bello III malapit sa Manila Cityhall.

Marami ang nawalan ng trabaho at naging isnatser na lang!

◘◘◘

Ila-livestream daw ang subasta sa DPWH.

Kalokohan—ang mga “qualified bidders” ay tradisyunal na iniluluto!

◘◘◘

Ang mga isasali na qualified bidders ay 100 percent “contractor-for-hire”.

Sila-sila rin ang mananalo.

He-he-he!

◘◘◘

Malaking sakit ng ulo ni P-Digong ang bagong pangulo ng U.S.

Siyempre, ireresbak ni Joe Biden si Barrack Obama na minura ni mayor!

◘◘◘

Maraming galamay ang U.S. para masabotahe ang administrasyong Duterte.

Gayunman, may reserba pa si P-Digong.

‘Yan ay ang kanyang anak na si Mayor Sara!

◘◘◘

Kapag ginipit si P-Digong ng U.S., darami ang kasimpatiya ni Mayor Sara.

Duterte ulit sa 2022.

At salamat sa resbak ni Biden!