Bagong heartthrob, tinaob sina Piolo at Richard Yap…IAN, BEST ACTOR AFTER 40 YRS. IN SHOWBIZ

ni Erlinda Rapadas @Teka Nga | December 29, 2022

Ang lakas ng impact ni Ian Veneracion nang dumalo sa Gabi ng Parangal ng 48th Metro Manila Film Festival 2022.

Pagdating na pagdating pa lang niya sa New Frontier Theater ay pinagkaguluhan na agad siya ng mga tao at ang daming nagpa-selfie.

Very accommodating naman siya at halos pinagbigyan ang lahat. Kaya naman marami ang nagbunyi nang siya ang manalong Best Actor via the movie Nanahimik ang Gabi na produced ng Rein Entertainment.

Sa kanyang acceptance speech, nabanggit ni Ian na first acting award 'yun na kanyang natanggap sa 40 years niya sa showbiz.

Malakas ang karisma sa tao ni Ian Veneracion. Naalala namin sina Piolo Pascual at Richard Yap na sobra ring pinagkaguluhan noong height ng kasikatan nila.

Parang late bloomer si Ian dahil ngayon lang lumitaw ang kanyang karisma at appeal sa mga tao. For sure, malaking factor si Ian kung bakit pinipilahan ngayon ang pelikulang Nanahimik ang Gabi na suspense-thriller ang tema.

Masuwerte sina Lino Cayetano, Philip King at Carol Lopez ng Rein Entertainment dahil nagmarka ang unang pelikula na produced nila at pumasok sa Magic 8 ng MMFF 2022.

Ayon kay Direk Lino, full time na magpo-produce ang Rein Entertainment ngayong 2023!