Backwages para sa sinibak na empleyado

ni Atty. Persida Rueda-Acosta @Magtanong Kay Attorney | Abril 4, 2024

Dear Chief Acosta,

Ako ay tinanggal sa aking trabaho bilang isang manggagawa. Dahil dito, ako ay nagsampa ng kasong illegal dismissal kasama ang kahilingan na ako ay bayaran ng backwages at ibalik sa trabaho. Dahil ako ay may pamilyang kailangang buhayin, kinailangan kong mamasukan sa ibang kumpanya. Nang ako ay manalo sa aking kaso, ako ay ginawaran ng backwages.  Umaapela ang aking kumpanya na bawasan ang iginawad na backwages sapagkat mayroon na diumano akong trabaho at hindi na nararapat na ako ay gawaran pa ng backwages sa panahon na ako ay sumasahod na sa aking bagong trabaho. Tama ba ito? -- Darielle

Dear Darielle,

Ang iyong katanungan ay sinagot ng Korte Suprema sa kasong Julius B. Campol vs. Mayor Ronald S. Balao-as, G.R. No. 197634, 28 November 2016, Honorable Associate Justice Francis H. Jardeleza. Dito ay nilinaw ng Korte Suprema ang dahilan kung bakit ginagawaran ang isang empleyado ng tinatawag na backwages:

“We note that even in labor law, this is now the prevailing rule. In Bustamante v. National Labor Relations Commission, we reversed the prior doctrine that an employee illegally dismissed is entitled to backwages less the salary he or she received from his or her employment during the pendency of the case. In cases prior to Bustamante, we limited the right of an illegally dismissed employee to backwages less earnings from employment elsewhere on the premise that this doctrine will avoid unjust enrichment on the part of the employee at the expense of the employer.  We reversed this, however, in Bustamante and grounded our ruling first, on an employee's right to earn a living and second, on the duty of an employer to pay backwages as a penalty for the illegal dismissal. In the later case Equitable Banking Corporation v. Sadac, we added that in arriving at the doctrine in Bustamante, this Court ceased to consider equity as the determining factor in ascertaining the amount of backwages that should be awarded in cases where the illegally dismissed employee obtains employment during the pendency of his or her case. What is determinative is the employer’s obligation to pay full backwages.  We said, “[i]t is an obligation of the employer because it is ‘the price or penalty the employer has to pay for illegally dismissing his employee”. 

Gaya sa iyong kaso, ang pagbabayad ng backwages ay pagkilala sa proteksyon na iginagawad ng batas sa isang manggagawa. Ang backwages ay mga suweldo na iyong dapat na tinanggap kung ikaw ay hindi tinanggal sa iyong trabaho. Sang-ayon sa Korte Suprema, ito ay isang uri ng parusa at kinikilalang kabayaran sa maling pagtatanggal sa isang empleyado. Kaya nararapat lamang na bayaran ka ng iyong buong backwages kahit na ikaw ay namasukan na sa ibang trabaho.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa iyong patuloy na pagtitiwala.