Babu kay Kim… XIAN, LILIPAD PA-DUBAI, IBANG BABAE ANG KASAMA

ni Nitz Miralles - @Bida | March 29, 2022

Nabasa namin ang pasasalamat ni Xian Lim sa All-Out Sundays dahil nag-guest siya last Sunday at nagkaroon daw siya ng opportunity to sing with Julie Anne San Jose, Jessica Villarubin at Glaiza de Castro.

Na-promote na rin ni Xian ang pilot ng series nila ni Glaiza na False Positive sa April 25 na.

May mga fans si Xian na nagre-request sa GMA-7 na gawing mainstay ng AOS ang actor dahil hindi lang siya kumakanta, he also plays the piano at pati yata gitara. Hindi raw malulugi kay Xian ang show.

• 

• 

Ngayong nakapag-guest na si Xian sa AOS, sana, matupad din ang dream nitong makapag-record sa GMA Music o kaya’y sa GMA Playlist. Nabanggit ni Xian na wish niyang ma-highlight ng GMA ang music niya. Hindi siguro ito mahirap, lalo at “Kapuso” na ang pakilala sa boyfriend ni Kim Chiu.

And speaking of Kim, iiwan siya sandali ni Xian dahil lilipad pa-Dubai ang aktor, may show sila nina Jessica at Glaiza sa Dubai Millennium Amphitheater sa March 30.