ATTY. TOPACIO, SINAMPAHAN NG PATUNG-PATONG NA KASO NI GUANZON

ni Julie Bonifacio - @Winner | October 27, 2022

Sinagot ni P3PWD Partylist Representative Atty. Rowena Guanzon ang pagbati sa kanya ni Atty. Ferdinand Topacio ng "Merry Christmas" na may halong angas.

Imbes kasi na batiin din ng "Merry Christmas" ni Atty. Guanzon si Atty. Topacio, pinaalalahanan niya ang controversial lawyer sa magaganap na pre-trial para sa kasong isinampa ng dating Comelec chairman sa isa sa members ng legal team ni Deniece Cornejo.

Tweet ni Rep. Guanzon, “F Topacio, don't you "Merry Christmas" me. Attend your pre-trial in RTC Bacolod in December.”

Sinampahan ng disbarment case sa Bacolod City Regional Trial Court ni Atty. Guanzon si Atty. Topacio last June.

Prior to this, nag-file na rin si Rep. Guanzon sa Integrated Bar of the Philippines ng petition para alisin si Atty. Topacio from the roll of lawyers dahil ‘di raw nito "daserb" maging abogado.

Inakusahan ni Rep. Guanzon si Atty. Topacio na ginagamit ang kanyang profession “to facilitate his commission of unlawful acts.”

Bukod d’yan, may ongoing na kasong unjust vexation daw na inihain si Rep. Guanzon laban kay Atty. Topacio sa Bacolod City Regional Trial Court.

May suggestion naman ang netizen kay Rep. Guanzon, “Dapat isinabay po sa MMFF 'yung hearing. Hahahahaha!”

Kasali kasi sa Metro Manila Filmfest this December ang pelikulang ipinrodyus ni Atty. Topacio, ang Mamasapano.

Tiyak na magiging super-abala si Atty. Topacio para sa pagpapalabas ng pelikula niya this December. Ewan kung magkakaroon siya ng time na pumunta ng Bacolod City para sa pre-trial ng kasong isinampa laban sa kanya ni Rep. Guanzon.