Atat na si Holyfield na maka-rematch si Tyson

ni MC - @Sports | January 25, 2021

Kumpiyansa pa rin si Evander Holyfield na matutuloy ang rematch nila ng mortal na kalabang si dating undisputed heavyweight champ Mike Tyson matapos ang 24-years.

"The thing is that if it's meant to be, it will happen, either way, it is what it is," ani Holyfield na target sundan ang yapak ni Tyson na nagbalik sa ring noong isang taon.

Nagsimula ang alitan ng dalawa noong 1996 at nasundan ito noong sumunod na taon matapos kagatin nang napikong si "Iron Mike" Tyson ang tenga ni Holyfield na nauwi sa diskwalipikasyon nito sa laban.

Desidido talaga si Holyfield na maikasa ang trilogy nilang dalawa nang itinuturing na youngest heavyweight champion sa boxing history. "What I can tell you is that my team si talking to Mike's management, so I'm waiting for a decision. They are communicating right now. The thing is, I'm still training for this. I know it will be someday this deal will happen and I'm ready for him. I'm doing Ok," ani Holyfield.

Kilala si Tyson sa kanyang iron fist matapos tumipa ng 44 knockouts sa kanyang 50 professional wins kung saan nagkaroon lang ito ng record na anim na talo at dalawang draws habang si Holyfield ay may record na 44 Ko's sa 57 wins, 10 talo, 2 draws at isang no contest.