Asian Track Championships, babanat na sa Tagaytay City
- BULGAR
- Mar 24
- 2 min read
by MC @Sports News | March 24, 2026
Photo: LALAHOK ang Pilipinas at magsisilbing host ng 45th Asian Cycling Confederation (ACC) Track Cycling Championships at 14th Asian Para Track Cycling Championships.(scmp.com)
Magbubukas sa unang pagkakataon na iho-host ng bansa mula noong 1995 edition ang taunang event na idaraos sa brand-new Tagaytay CT Velodrome—isang UCI-standard 250-meter indoor track facility para sa opening ceremony ng 45th Asian Cycling Confederation (ACC) Track Cycling Championships at 14th Asian Para Track Cycling Championships bukas Miyerkules sa Tagaytay CT Velodrome.
Pangungunahan nina Asian Cycling Confederation (ACC) president Dato' Amarjit Singh Gill at Philippine Sports Commission (PSC) chairman Patrick Greg orio ang opening ceremony at makakasama rin nila si Philippine Olympic Committee president Abraham Tolentino.
“This is the biggest international track cycling event that Tagaytay City, and the country for that matter, is hosting in three decades,” ani Tolentino, na pangulo rin ng national sports association of cycling, PhilCycling.
“In terms of participation, we also have one of the biggest in ACC track championships history,” dagdag ni Tolentino kung saan ang opening ceremony ay 9 a.m. na magsisimula ng 10 a.m. at mahigit sa 600 atleta mula sa 16 na Asian countries ang magpapaligsahan sa track at para track.
Suportado rin ng city mayor na si Brent Tolentino ang championships bukod sa PSC at MVP Sports Foundation.
Ang Asian championships ay may nakahandang 44 gold medals, habang ang 30 golds ay nakataya sa para track competitions na idaraos nang magkakasabay sa Marso 31.
Ang kompetisyon sa ACC championships ay lalargahan ng individual at team pursuit, sprint, keirin, elimination race, omnium, points race, scratch race, Madison at 1-kilometer sa babae at lalaki na kategorya.
Ang events sa para track cycling competitions ay ang individual pursuit, 1,000 meters time trial, sprint, elimination, scratch race at mixed team at tandem sprints.
Ang mga kalahok na bansa ay Chinese-Taipei, Hong Kong-China, Indonesia, India, Japan, Kazakhstan, Macao-China, Malaysia, China, South Korea, Saudi Arabia, Singapore, Thailand, United Arab Emirates, Uzbekistan at host Philippines.
Comments