Araw-araw daw niyang nakakasalubong…"MARAMING AHAS SA MUNDO" — HEART

ni Reggee Bonoan @Sheet Matters | May 4, 2023

Inamin ni Heart Evangelista sa panayam sa kanya ni Boy Abunda sa programa nitong Fast Talk sa GMA-7 na malaki ang kita niya bilang luxury influencer ng mga kilalang brand sa ibang bansa.

Ito ang tawag kay Heart, luxury influencer, dahil ipino-promote ang mga mamahaling brand ng sapatos, damit, alahas at iba pang gamit through her social media accounts.

Makikita rin ang mga videos niya sa kanyang YouTube channel na tila modelong rumarampa sa mga kalye ng Paris, Milan at New York during fashion week.

Out of curiosity kaya tinanong ng FT host kung ano ba ang ginagawa ng luxury influencer na tulad niya.

Bungad ni Heart, “It’s para kang artista. Basically, you work with different brands and they also tap you to promote the latest bags, shoes… It depends with your rank if you are just for social media or they invited you to shows. If you’re in front row, if you can be a client like couture client and an influencer and actress at the same time, even better.”

Halos lahat ng binanggit na qualities ay mayroon si Heart?

“I don’t know, hahaha!” tumawang sagot ng wifey ni Senator Chiz Escudero.

Paano napunta si Heart sa ganitong trabaho?

Kuwento niya, mga 6 or 7 yrs. ago raw, feeling niya ay wala na siyang chance sa showbiz at napapagod na siyang umarte, nabo-bored na siya sa buhay niya kaya nag-start siyang mag-painting.

“I decided that I cannot conform anymore to what the world wants na kailangan, ganyan ka. I just wanted to be myself and ever since, kikay ako, mahilig akong magbihis.

“And I started to get into fashion and I was invited to attend one of the shows of Schiaparelli (sa Paris fashion week) when they opened up again and because of that, I have the privilege of being seated by certain people and nanganak nang nanganak.

“With Schiaparelli I was always in the front row but in many other shows, I wasn’t. But for some reason, I don’t know kung charm ‘yun ng mga Pilipino but I’m always at the right place at the right time,” kuwento ng Pinay fashion icon.

Ang sumulat ng librong Crazy Rich Asians na si Kevin Kwan ang nakatulong kay Heart kaya siya napasok sa larangang ito.

“I met Kevin Kwan, nag-click kami. I really owe a lot to him,” sabi nito.

Mas mataas ba ang talent fee niya as luxury influencer kesa bilang artista?

“Per post, if IG reel lang ba, posting lang ba? May YouTube ba ‘yan? Kung kasama ba sa equation ‘yung kikitain mo sa video people mo or minus ‘yun, kasi ikaw na gagawa nu’n.

Ready ka bang magbayad ng music na may royalties or generic. Mga ganyan, maraming kailangang i-consider,” paliwanag mabuti ni Heart.

Sundot kaagad ni Kuya Boy, “So, milyones ito?”

“It can be!” sambit ni Mrs. Escudero.

Samantala, natanong din ng TV host kung ano ang pinakamahal sa mga suot ni Heart during the Fast Talk interview.

“Tito Boy I’m hanging by a thread but in YSL (Yves Saint Laurent), so, some pieces here come from the outlet, some pieces here are from the store, some pieces here are high jewelry. So, it’s a mix of high and low end, but today it has to be all high for you, charot, hahahaha!” tumatawang esplika ni Heart.

May suot na korteng ahas na kuwintas si Heart na punumpuno ng diamonds at nang i-search namin sa Google ay Serpenti emerald and diamond necklace ang tawag dito at Bulgari ang brand.

“Hindi ko matanggal ang aking paningin diyan sa kuwintas. God, that’s a Bulgari,” masayang puna ng host.

“Yes, isa siyang ahas! Yes, to remind us that maraming ahas sa mundo!” diing sabi ni Heart.

“Kailan ka huling nakasalubong ng ahas?” tanong ni Kuya Boy.

“Every day! Every day is a winding world. It’s a reminder that they can be your friends, too, and wear them 'pag kinatay mo sila,” sabi pa.

Nakabili na rin siya ng apartment sa Paris kaya natanong kung for good na ba si Heart doon.

“Ano'ng gagawin ko naman doon? Paano ang kabuhayan showcase, hindi ko naman puwedeng iwanan,” maagap na sagot ng sosyal na misis ni Senator Chiz Escudero.

Dagdag pa niya, “Philippines is my home. Paano ‘yung mga aso ko, 'di ba? Siyempre, si Chiz, hahaha, nakalimutan. Loko lang. Pumupunta rin siya sa Paris."

Anyway, binanggit din ni Heart na bawal ma-late sa mga shows na kailangan niyang puntahan.

“Takbo kung takbo, sakit na kung sakit. A dose of vitamin C, kabit mo na ‘yung dextrose or catheter, kailangang makapunta tayo sa show. You cannot miss it because it’s once in a lifetime and every season is different. Every season is a different experience. It’s a different emotion for people. I’m an artist. I love to seat in front of you (in the), different palettes. Iba siya, so, hindi talaga puwede (hindi mapuntahan),” paliwanag ng Pinay influencer.