App Masters, hari ng tatluhan sa PBA

ni Gerard Arce - @Sports | December 30, 2021

Matapos ang anim na legs at mahigit isang buwang aksyon at bakbakan, itinanghal na hari ng tatluhan ang back-to-back legs titlist na Limitless App Masters nang matakasan ang Platinum Karaoke sa bisa ng 18-16 panalo sa Grand Finals bilang kauna-unahang kampeon ng PBA 3X3 “Lakas ng Tatlo” first conference sa Smart Araneta Coliseum kagabi.

Isinalpak ni Reymar Caduyac ang isang drive at isang free throw shot ni Jorey Napoles para sa tiyak na panalo ng App. Nagawa pang maitabla ni Karl Dehesa sa 16-all mula sa 2-points , ngunit na-foul si Napoles.

Pinangunahan ni Fil-Am Brandon Ganuelas-Rosser ang Limitless App sa 7 points, katulong sina Caduyac, Napoles at Marvin Hayes para sa 750,000 grand prize.

Kinapos ang grupo nina Karl Dehesa, JR Alabanzza, Yutien Andrada at Top-5 scoring leader Chris De Chavez na at makuntento sa P250,000.

Nakamit ng first leg champion TNT Tropang Giga ang 3rd place at podium finish para sa P100,000 cash price nang itaob ang Terrafirma Dyip sa 22-14. Pinamunuan ni Almond Vosotros sa 293 points sa anim na legs, ang TNT para sa 12pts, katuwang sina Samboy de Leon, Lervin Flores at Chris Javier. Nagtapos sa 4th place sina Matt Salem, Jebb Bulawan, Dhon Reverente at Terrence Tumalip.

Itinirik ng Platinum Karaoke ang Terrafirma Dyip sa semis sa dominanteng 21-10 sa tikas ni JR Alabanza sa 7pts. Sa ikatlong sunod na pagkakataon ay binigo ng App Master ang TNT sa 21-16 mula sa puwersa ni Ganuelas-Rosser na 7pts goal para makapasok sa championship round.

Naglista major upset sa q'finals ang Dyip nang patalsikin ang Top-seed Meralco Bolts 3X3 sa 19-15, bida si Dhon Reverente sa 7pts, tungo sa semis vs. 4th seed Karaoke nang pataubin ang Pioneer Pro Tibay sa 21-15 kasunod ng 11pts ni Chris De Chavez. Tinungga ng Limitless ang Beermen sa 21-15, bida si Ganuelas-Rosser tungo sa semis vs. 1st leg champ TNT, 18-13 mula sa 5pts ni Samboy De Leon.