Ang tagal itinago… KRISTOFFER, UMAMING MAY 4-ANYOS NA ANAK NA

ni Nitz Miralles - @Bida | January 23, 2021

Naging emotional si Kristoffer Martin nang aminin kay Nelson Canlas sa 24-Oras na may four-year-old daughter na siya sa non-showbiz former girlfriend. Precious Kristin daw ang full name ng bata.

Sabi ng isa sa cast ng Babawiin Ko Ang Lahat ng GMA-7, kaya hindi niya ipinaalam na may anak na siya ay para sa privacy ng bata. Pero ngayong inamin na niya, libre na si Kristoffer na i-post ang picture ng anak.

Nakalulungkot lang na kung kailan inamin ni Kristoffer na may anak na siya ay hiwalay na sila ng ina nito. Sabi nito kay Nelson, “hindi nag-work” ang relasyon nila at nasa nanay niya ang bata.

Aminin naman kaya ni Kristoffer na kaya raw sila naghiwalay ng nanay ng anak niya ay dahil sa third party? Nali-link siya ngayon sa co-star niya sa Babawiin Ko Ang Lahat na si Liezel Lopez na tama ba kaming gumaganap na kapatid niya sa nasabing afternoon series?