Ang Family driver ay hindi itinuturing na kasambahay

ni Atty. Persida Rueda-Acosta - @Magtanong Kay Attorney | January 29, 2022

Dear Chief Acosta,

Isa akong family driver na nakatira sa bahay ng aking amo. Ang mga kasambahay na kasama kong naninirahan dito ay mas maraming benepisyo ang natatanggap kaysa sa akin. Dahil dito, maituturing ba akong kasambahay kahit pagmamaneho lang ang tungkulin ko? - Brendo

Dear Brendo,

Ang sagot sa inyong katanungan ay matatagpuan sa Section 2 ng Implementing Rules and Regulations (IRR) ng Republic Act No 10361o mas kilala sa tawag na “Domestic Workers Act” o “Batas Kasambahay”, na sinasabi ang sumusunod:

“Section 2. Coverage. – This Implementing Rules and Regulations (IRR) shall apply to all parties to an employment contract for the services of the following Kasambahay, whether on a live-in or live-out arrangement, such as but not limited to:

a. General Househelp;

b. Yaya;

c. Cook;

d. Gardener;

e. Laundry person; or

f. Any person who regularly performs domestic work in one household on an occupational basis.

The following are not covered:

a. Service providers;

b. Family drivers;

c. Children under foster family arrangement; and

d. Any other person who performs work occasionally or sporadically and not on an occupational bass”

(Binigyang-diin)

Malinaw na nakasaad sa batas na ang mga family drivers ay hindi itinuturing na mga kasambahay. Dahil dito, hindi ka maituturing na kasambahay sapagkat hindi ka gumagawa ng mga gawaing bahay, lalo na kung pagmamaneho ang tanging tungkulin na nakatalaga sa iyo.

Sana ay nabigyan namin ng linaw ang inyong katanungan. Ang payong aming ibinigay ay base lamang sa impormasyon na inyong inilahad at maaaring magbago kung mababawasan o madaragdagan ang mga detalye ng inyong salaysay.

Maraming salamat sa inyong patuloy na pagtitiwala.