ANAK NINA GLYDEL AT TONTON, WAITRESS, TAGA-LINIS AT TAGA-TAPON NG BASURA SA JAPAN

ni Erlinda Rapadas - @Teka Nga | December 16, 2022

Sobrang proud sina Glydel Mercado at Tonton Gutierrez sa kanilang anak na si Aneeza.

Sa halip kasi na pasukin din ang showbiz at mag-artista, mas pinili nitong mag-aral at magkaroon ng part-time job sa isang resto sa Japan. Wala siyang reklamo sa kanyang mga ginagawa.

Naranasan niyang maging waitress, taga-linis ng resto at taga-tapon ng basura, atbp..

Hindi niya ikinahihiya ang mga dirty jobs na kanyang ginagawa sa Japan habang nag-aaral doon.

Kung tutuusin, sa ganda ng anak nina Glydel at Tonton ay madali siyang makakapasok sa showbiz.

Pero, prayoridad pa rin ni Aneeza ang kanyang pag-aaral. Binigyan niya ng halaga ang edukasyon.

Lumaki siyang independent at hindi spoiled brat, kaya ganu'n na lang ang tuwa at pasasalamat nina Glydel at Tonton dahil lumaking mabait at responsable ang kanilang anak.

Binigyan nila ito ng kalayaan na pumili ng buhay na gusto niyang tahakin. At 'pag nakatapos na sa kolehiyo, si Aneeza na mismo ang magdedesisyon kung gusto rin niyang mag-artista tulad ng kanyang mga magulang.