Anak ni Carmina, para-paraan… CASSY, NAPANSIN NG HOLLYWOOD ACTOR NA SI PEDRO PASCAL DAHIL SA KUKO

ni Beth Gelena @Bulgary | July 22, 2025

Photo: Cassy at Mavy Legaspi - IG

Hindi akalain ng kambal na anak nina Carmina Villarroel at Zoren Legaspi na sina Mavy at Cassy na makakadaupang-palad nila ang Hollywood actor na si Pedro Pascal sa Australia.

Ani ng kambal, “Can’t believe we met him!”

Tuwang-tuwa ang mga ito dahil nakipagkulitan pa raw sa kanila ang Hollywood actor. Ifinlex ni Cassy ang pag-uusap nila. Sa larawan ay kitang-kita sa mukha ng kambal ang kanilang pagka-star struck kay Pedro.

Sey ni Cassy sa Instagram (IG), “Didn’t get any superpowers... but we got to meet and interview the cast of The Fantastic Four: First Steps.”

Isang muted clip na tila pinapapili ni Cassy ang Hollywood actor kung pasado ba ang kanyang painted nails ang ipinost nito.

Komento ng mga fans:

“Hahaha! Sa kuko mo talaga? The way Pedro took off his glasses.”

“Imagine si Pedro Pascal, nakuha ang attention because of Cassy’s nails. Iba talaga si Cassandra (Cassy).”

“The nails. Hahahaha!”

Sa mga hindi aware, si Pedro ay kilala sa kanyang iconic roles sa mga hit series na Game of Thrones (GOT), The Last of Us (TLOU), at The Mandalorian (TM).

Handa na rin siyang sumabak sa Marvel Cinematic Universe bilang si Reed Richards a.k.a. Mister Fantastic sa pelikulang The Fantastic Four: First Steps (TFFFS).

---

IBINAHAGI ni Priscilla Meirelles sa isang panayam na ilang beses umanong sinubukang makipagbalikan sa kanya ng aktor na si John Estrada, pero wala itong nagawa dahil final na raw ang kanyang naging desisyon na tapusin ang kanilang pagsasama.

Pahayag niya, “The book is closed. If there’s something that he and the people like him need to learn is that you cannot over and over treat people with lack of respect, especially the ones that are good to you.

“I know that he has high hopes that maybe one day, the way I feel, will change. I don’t think so because I’m the type of person that once I step out of the room, I’m gone.

“My message to John, I have no regrets. We had a wonderful life despite all the rollercoasters. I do have high regards for him. I do respect him as the father of my daughter and I’m grateful that he’s a good provider.”

Lagi raw sinasabi ni John na mahal siya ng aktor na kanya namang pinaniniwalaan.

Sey pa niya, “The issue is he doesn’t love me in the way I deserve to be loved. I believe he tries his best, the problem is his best is not what I need.”

Well, wala pang tugon si John Estrada sa pahayag na ito ng kanyang ex-wife na si Priscilla Meirelles. 

---

Sapaw kay Katrina… CAMILLE, OA BILANG KONTRABIDA, TODO-SIGAW LANG

PANSIN ko lang, napaka-OA (overacting) ng pag-arte ni Camille Prats sa teleserye niya sa Kapuso Network kung saan kasama niya sina Katrina Halili at Shayne Sava.

Wala siyang ginawa kundi pawang pasigaw ang mga binibitawang linya na ginawa na rin niya noon sa isang teleserye na kasama si Alfred Vargas.

Iisa ang kanyang pag-arte as a kontrabida, walang pagbabago.

Aba, mabuti pa si Katrina Halili, ang laki ng ipinagbago sa pag-arte.

Ayon kay Camille na gumaganap bilang si Olive, kahit gustung-gusto raw niya ang kanyang ginagawa, pinili niyang magpahinga muna pagkatapos ng teleserye. Unti-unti na raw kasing lumalaki ang kanyang pamilya. 

Eh, paano naman siyang hindi magpapahinga, namaos yata sa kasisigaw sa kanyang mga eksena.