Aminadong chubby… RIA, SHOCKED NA KINUHANG CALENDAR GIRL NG WHITE CASTLE WHISKY

ni Vinia Vivar @Frankly Speaking | January 18, 2023

Pormal na ipinakilala kahapon si Ria Atayde bilang bagong White Castle Whisky Calendar Girl for 2023. Kaliga na niya sina Evangeline Pascual, Lorna Tolentino, Tetchie Agbayani, Carmi Martin, Maria Isabel Lopez, Cristina Gonzales, Glydel Mercado at Roxanne Guinoo na pawang mga naging ambassadress ng nasabing inumin.

Sa media launch kahapon ay inamin ni Ria na hindi siya makapaniwalang magiging Calendar Girl din siya.

“I’m very overwhelmed. It’s not something that I imagine was possible given that you know, usually, Calendar Girls fit a certain mold, you know. We all have this one vision of beauty.

“And I think, that’s why the campaign of White Castle really resonated with me because they’re out to prove that beauty goes in all forms, in all shapes, in all sizes,” pahayag ni Ria.

Of course, nang i-offer ito sa kanya ay pinag-isipan din daw talaga niya 'coz hindi niya alam kung kakayanin niya.

“This is something I really thought about. Hindi naman sa nagdalawang-isip, mas I wanted to be sure of my decision 'coz I wanted to be the one accountable for it.

“Kasi, 'di ba, 'pag humarap na ako sa bashers and all of that, and whatever comments, ako na lang ‘yun, eh. This is my choice. Nobody forced me into this,” aniya.

And she decided nga to make a ‘go’ for it dahil alam daw niyang napakagandang opportunity nito and in fairness, kaya naman pala niya 'coz ang ganda nga ng kinalabasan ng photo shoot.

Of course, hindi maiwasang matanong si Ria kung ano ang naging reaksiyon ng kanyang boyfriend na si Zanjoe Marudo sa mga sexy photos at aniya, supportive naman ang aktor sa kanyang bagong endeavor na ito.

“He’s very supportive throughout this whole thing,” ani Ria.

Kinailangan pa ba naman niyang magpaalam kay boyfie?

“'Yun nga po, no. At this point kasi, I wanna be accountable for my decision. So, walang pagpapaalam,” sey niya.

Kung may tamang word daw, ito ay ‘yung ipinaalam or in-inform daw niya kay Zanjoe ang kanyang desisyon at hindi nagpaalam.

“Honored ako at ako ang napili bilang White Castle Whisky Girl as the brand allows and supports me in my advocacy to empower each and every woman to embrace her femininity and celebrate her body,” sabi pa ng anak ni Sylvia Sanchez.

Magkasama ang White Castle Whisky at si Ria sa paghahatid ng positive at affirming message sa malawak na diversity ng beauty at maraming uri ng pagiging confident at sexy sa pagnanasang yakapin ng milyun-milyong kababaihan ang kanilang tunay na kapangyarihan habang kapit-bisig sila na gawing mas maganda ang mundo.