Ambassador ng kampanya laban sa TB… ALDEN, LAMAN NG INTERNATIONAL NEWS

ni Nitz Miralles - @Bida | August 27, 2020

Pati sa ibang bansa, nabalita ang pagiging ambassador ni Alden Richards sa #EndTB campaign ng USAID in collaboration with GMA Network dahil sa massive press release ng Philippine Information Agency. Kaya, nabasa ang tungkol dito sa US News, Singapore News Yahoo, Long Beach Star, Cambodia News, Brunei News, Bangladesh News, Oakland Times, Vietnam News, Nepal National, Laos News, Kuala Lumpur Times, Asia Pacific News, Pakistan News, at sa iba pang news outlets. Iba nga lang ang hashtag na ginamit sa ibang bansa at ito ay #TBFreePH.

Kahit sabihing walang kinalaman sa kanyang pagiging aktor ang balita, malaking bagay pa rin kay Alden na mai-feature sa international news.

Samantala, bukas pa pala ang simula ng taping nina Alden Richards at Jasmine Curtis-Smith para sa initial episode ng drama anthology ng GMA-7 na I Can See You. Ang title ng episode ay Love in the Balcony. Kasama nina Alden at Jasmine rito si Pancho Magno.

Also on Alden, marami ang naengganyo ng aktor na maglaro ng Mobile Legends at maging gamer dahil sa nabanggit sa interview sa kanya ni Jessica Soho sa Kapuso Mo, Jessica Soho na kumikita siya ng P100,000 sa pag-i-stream. Ito raw ang raket niya sa panahon ng Covid-19 pandemic na malaking halaga na.

Maraming sumusuporta kay Alden tuwing nasa gaming mode siya dahil to date, may 2.4M na siyang likes sa Facebook at 3M followers.