ALEX, TODO-THANK YOU NA NAGKAASAWA DAHIL KAY PIOLO

ni Beth Gelena - @Bulgary Files | January 14, 2022

Last Sunday ay binigyan ng advance birthday celebration ng ASAP Natin 'To ang actor na si Piolo Pascual.

Bale pag-welcome na rin ito ng programa sa aktor sa pagbabalik-ASAP nito after almost one year na hindi napanood sa longest Sunday variety show ng ABS-CBN.

Nitong January 12 ang actual birthday ni Papa P. and if we're not mistaken ay 45 years old na ang aktor.

Greetings nga ng kanyang forever fan at former personal assistant nang ilang taong nagdaan na si Moi Bien, “Happy birthday my Mayor (you’re) the best!! And you’re the yummiest, the (yummier)? Hehe I love you beri beri much!! Ikaw lang 'yung habang tumatanda, lalong sumasarap!! Ahahaha.”

Pahabol pa ni Moi, “'Pag 'di ka pa nakapag-asawa, tapos 50 years old ka na, naku, lagot, baka tayo talaga! Wahahahaha! Happy birthday.”

Hindi rin nagpakabog ang TV host-aktres-vlogger na si Alex Gonzaga. Malaki kasi ang naging parte ni Papa P sa pagkakaroon ng pamilya ni Alex. Si Papa P ang nagpakilala kay Alex sa husband na niya ngayong si Mikee Morada na kaibigan ng aktor.

Alex expressed her gratitude to Papa P dahil sa ginawa nito.

Sey ni Alex, “Happy birthday Papa P!!! @piolopascual_ph Kung hindi dahil sa 'yo, wala akong asawa at kalandian ngayon. Marami kaming nagmamahal sa 'yo na natulungan at napasaya mo."

Nagkomento naman ang mga netizens sa birthday greetings ni Alex para sa good catch daw na bachelor actor.

“Landian na nauwi sa kasalanan, thanks to Papa P. Hehe!”

“Happy birthday po sa naging tulay ng MiLex.”

“Because of Papa P, nagkaroon ng MiLex.”

May mga nagwi-wish naman na sana nga raw ay magtuluy-tuloy na ang relasyon nina Papa P at Shaina Magdayao.

Kung good catch daw kasi ang actor, likewise rin naman ang aktres.