ALDEN, UMAMING NAGKAGUSTO KAY PIA PERO ATRAS MANLIGAW

ni Beth Gelena @Bulgary Files | October 11, 2023

Hindi itinago ni Alden Richards na nagkagusto siya noon sa 2015 Miss Universe na si Pia Wurtzbach.

Sa Fast Talk with Boy Abunda last Monday ay guest ang Kapuso actor at natanong siya ni Kuya Boy kung nagkaroon ba siya ng feelings sa beauty queen.

“Alam ko, matagal na ito, but I've always wanted to ask you this. Nagkagusto ka kay Pia Wurtzbach?”

“Opo,” ang mabilis na sagot ng actor.

“Pero naipaalam mo sa kanya?” tanong ni Kuya Boy na muling sinagot ni Alden ng “Hindi po.”

Esplika ni Alden, “Sa Eat… Bulaga! po, siyempre, best friends sila ni Pauleen Luna, every now and then, si Pia would go there to say hi, hello to Pauleen, tapos nag-uusap sila. Tapos, as in nakikita ko po siya nang hindi naka-glam.”

Aniya pa sa nagustuhan niya kay Pia, “'Yung puso, mabuti.”

Hindi raw nagbabago si Pia kahit nu'ng naging Miss Universe 2015 ito.

“I can attest that she has remained the same,” sabi pa ni Alden.