ALDEN, UMAMING BIGGEST HEARTBREAK ANG HIWALAYAN NILA NI MAINE

ni Erlinda Rapadas @Teka Nga | October 11, 2023

Sa recent guesting ni Alden Richards sa Fast Talk with Boy Abunda, napaamin siya ng King of Talk na si Boy kung totoong minahal niya si Maine Mendoza na misis na ngayon ni Arjo Atayde.

Kung matatandaan, naging patok noon ang AlDub love team nina Alden at Maine at marami nga ang umasang sila ang magkakatuluyan in real life.

Inamin ni Alden na na-fall o na-in love rin siya kay Maine, pero kung ito man ang maituturing niyang "biggest romance" sa kanyang showbiz career, ito rin daw ang masasabi niyang "biggest heartbreak".

Aminado si Alden na nabago ang showbiz career niya nang dahil sa tambalan nila ni Maine at nang maghiwalay sila, "biggest breakup" din daw niyang maituturing ito kahit 'di naman talaga sila nagkaroon ng relasyon.

Sa ngayon, hindi pa rin magawang ilantad ni Alden sa publiko ang kanyang love life.

Sa pelikulang Five Break-ups and a Romance ay nailabas ni Alden ang emosyon ng mga taong heartbroken. Swak naman si Julia Montes bilang kanyang kapareha at bagay din naman silang screen partners.