Alas Men binigo ng Chinese-Taipei, pero may tsansa pa sa 9th at 11th place
- BULGAR
- Jun 19
- 1 min read
ni Anthony E. Servinio @Sports | June 19, 2025
Photo: AVC - Asian Volleyball Confederation / FB
Tumikim ng pangalawang pagkatalo ang Alas Pilipinas sa Chinese-Taipei sa pagpapatuloy ng 2025 Asian Volleyball Confederation (AVC) Volleyball Nations Cup sa Isa Bin Rashed Hall sa Manama, Bahrain.
Nagtapos ang apat na set pabor sa Taiwanese sa 25-18, 23-25, 30-28 at 25-20. Madaling nakuha ng Taiwan ang unang set subalit nagising ang mga Pinoy upang maagaw ang pangalawa. Ibinigay ni Lloyd Josapat ng 24-23 lamang ang Alas at hindi umubra ang block touch challenge na inihain ng Taiwan para maging 25-23.
Sa pangatlong set, nasayang ang pagkakataon at itinala ng Taiwan ang huling tatlong puntos upang makabawi mula sa 27-28. Hindi nakabangon ang Alas at tuluyang bumigay sa huling set. Nanguna sa Chinese-Taipei si outside hitter Chang Yu Sheng na may 22 puntos.
Sumunod si Wen Yi Kai na may 14 at Kapitan Chang Yu Chen na may 12. Ipinagpag ni Kapitan Marck Espejo ang pilay para magsabog ng 24 mula 21 atake. Tumulong si Leo Ordiales na may 15 buhat sa 13 atake.
Binigo ng Pakistan ang mga Pinoy noong Martes sa apat na set – 25-18, 25-12, 18-25 at 25-22. Napilay si Espejo sa unang set at hindi na bumalik at sinikap ng kanyang kapalit Ordiales na buhatin ang koponan sa kanyang 22 puntos.
Maglalaro na ang Alas para sa ika-siyam hanggang ika-11 puwesto simula ngayong Sabado ng hating gabi. Kasama nila sa isang round robin ang mga kulelat mula sa Grupo A at D.
ड्रैगन स्लॉट्स की लोकप्रियता न केवल उनके यांत्रिकी और जीतने की क्षमता के कारण है, बल्कि दुनिया भर के खिलाड़ियों के साथ प्रतिध्वनित होने वाली गहरी पौराणिक Dragons Slots कथाओं के कारण भी है। एशियाई संस्कृतियों में, ड्रैगन एक दुष्ट राक्षस नहीं है, बल्कि एक महान और शक्तिशाली प्राणी है जो अच्छे भाग्य, ज्ञान, समृद्धि और शक्ति का प्रतीक है।