Ala-Jason daw kay Moira… OGIE, NAGSALITA NA SA HIWALAYAN NILA NI REGINE

ni Julie Bonifacio - @Winner | June 15, 2022

Kinlaro agad ng It’s Showtime host na si Ogie Alcasid ang kumakalat na tsika sa Twitter na nangangamoy-hiwalayan sila ng misis niyang si Regine Velasquez.

Kaya sa kanyang Twitter account, may-I-post si Ogie ng mensahe kung saan binigyang-linaw niya ang malisyosong tsika sa kanila ni Regine.

Tweet ni Ogie, “I have read some tweets about my wife and I having marital problems. For the record, wifey and I are so much in love and there has not been a day where that love for each has ever diminished.”

Nu’ng may mapansin na mali sa tweet niya, agad naman itong kinorek ni Ogie.

“I meant where that love for each other has diminished. Arrgh I have to practice proofreading hehe… sorry po…

"Guys, I wish you would really experience great love. It truly is a blessing,” correction ni Ogie sa naunang tweet niya.

Pero may netizen ang nag-nega sa tweet ni Ogie.

“If people explain in social media that the relationship has no problem and the love never diminished? It means the opposite. So, yeah, they do have a problem imho,” sabi ng netizen

.

Hindi naman nag-react negatively si Ogie sa comment ng basher.

Reply ni Ogie sa basher niya, “God bless you always.”

Nilait naman ang basher ng mga supporters ni Ogie.

“Don't pansin2x them po. 'Yung mga Marites, gustung-gusto nilang makialam sa buhay ng ibang tao."

“Nega naman nito. Sinabi na nga nila na walang problema, eh. Maging maligaya naman tayo para iba. 'Wag maging palaka! Chaka!”

Pero may nag-post ng comment na ikinumpara si Ogie sa pagtu-tweet niya sa tsikang may marital problem sila ni Regine kay Jason Hernandez, mister ni Moira dela Torre, nu'ng sumabog ang isyu ng hiwalayan nila.

“Medyo agree ako kay ate. Sinabi din ito ni Jason nu'ng pumutok ang issue nila ni Moira earlier this year. But of course, we still wanna hope na okay talaga sila.”

Sa kabila nito, umaasa ang mga fans/followers ni Ogie sa Twitter na wala talaga silang problema ni Regine.

“I hope you guys are indeed ok, I think the people take seriously what happen in Showtime when your wifey put you in a trolley.”

“Knowing Kuya Ogie and Ate Reg, sobra kaya silang in love sa isa't isa. Kaya 'di ako naniniwala every time na makakabasa ako ng mga ganyan."

True.